Posts Tagged ‘Jan25’

بعد مظاهرات الجمعة 8 يوليو الحاشدة ( غصبٍ عن عين الطخين و بالبولد و الإيتاليك ) .. و التي انتهت باعتصام في محافظات عديدة
خرج عصام شرف (المنهك للغاية) .. بتصريح .. في رأيي جاء بنتائج عكسية .. لتخاذله الشديد !

إصدار قرار بإيقاف جميع الضباط و القيادات المتهمين بقتل الثوار .. جاي بعد 6 شهور توقفهم؟ ده هزار ده و لا إيه؟
هما قتلوا حد جديد؟ لأ .. طيب أنت شرعت قانون جديد مثلاً يسمحلك بده؟ لأ
امال ايه اللي جد؟ اللي جد ان أهالي الشهداء نزلوا اعتصموا احتجاجاً على اللي بيحصل من تخاذل في محاسبة القتلة و مؤامرات للضغط على أهالي الشهداء للتنازل عن قضايهم ..
يعني عصام شرف .. بعد 6 شهور طلع بالقرار ده عشان اضغط عليه من الشارع
حاعيد و أزيد في الحتة ديه
المشاهدة الأولي .. إن إصدار قرار زي ده بالصورة اللي مشى بيها يدل إن مكنش فيه أي مانع انه يطلع الأسبوع اللي فات أو الشهر اللي فات .. أو يوم عصام شرف ما مسك الوزارة و أنا في الحالة ديه مش فاهم إزاي شرف كان عاوز ظروف أكثر ثورية من حلفانه اليمين في ميدان التحرير انه يطلع بالقرار ده ساعتها!
المشاهدة التانية .. المرتبطة بالأولي .. ده يدل ان فيه تخاذل و تباطؤ و مش عاوز أقول تواطؤ فظيع ! و شوف لو ضغطنا الكام يوم اللي جايين .. حيطلعلنا كام قرار بديهي زي اللي طلع ده

التنسق مع رئيس محكمة استئناف القاهرة عشان يشوف قضايا الشهداء .. من غير التقيض بالإجازة القضائية للنوع ده من القضايا
تاني .. قرارات و إجراءات استثنائية ! هو أنت يا عصام يا شرف مجيتش في ظرف استثنائي  عشان تتخذ القرارات الاستثنائية ديه ساعتها؟
مش مصدق اللي كنت بسمعه امبارح .. ياريته مكنش قاله !
و كذلك بالنسبة لموضوع النائب و تشكيل فريق من أفضل و اكفأ رجال النيابة و موضوع الطعن على الأحكام بالبراءة المتعلقة بقضايا قتل المتظاهرين
و قرار تأسيس آلية الحوار و أيضا صرف مستحقات الشهداء
الفيديو ده كان معاده المفروض يبقى في شهر مارس بعد أسبوع و لا اتنين بالكتير من توليك المنصب ده

ديه الملاحظات اللي أي حد ممكن ياخدها من خطاب شرف .. بالإضافة ان شكله منهك أوي و أنه صعبان عليا ..
لكن
عصام شرف غلطان .. ممكن يكون غلطان عشان متباطيء .. أو عشان متواطيء .. أو عشان راضخ لضغط المجلس العسكري و ما استقلش و رجع الميدان
و أرجح أنه السيناريو التالت مدمج مع السيانريو الأول

أيام مبارك .. طلعت موضة كده .. ان ابونا مبارك حبيبنا .. بيضحكوا عليه و بيعملوا الحاجات الوحشة من وراه و هو مش عارف ( عذر أقبح من ذنب طول عمرخه ) بس للأسف ده بيتكرر تاني عند شرائح كتير من الناس!
لازم الواحد يعمل إرجاع للسبب الرئيسي ! و في هذة الحالة هو المجلس العسكري
سمعنا كلنا عن إن عصام شرف قدم إستقالته 6 مرات .. سمعنا انه طلب يغير 10 وزراء .. و اتقابل بالرفض .. سمعنا ممدوح شاهين طالع يقول الشعب قال نعم للمجلس العسكري
مبارك بيصيف في شرم الشيخ .. أو في ميونيخ أو في الهند أو في كوكب المريخ ! هل في دليل قاطع على أي حاجة من ديه !
كلنا في موضع الشك ..
مستحيل اجزم أن مبارك جوا مصر أو مبارك برا مصر
المشكلة الحقيقية بقى هي كام موضوع معلق زي الموضوع ده و يستحيل الجزم فيه!
مين اللي مش مقدم الشفافية ديه ! و مين اللي رش الضباب ده في كل حتة … المجلس العسكري

حنرجع نقول تاني
مينفعش في فترة زي ديه تفترض حسن النية .. في أي حد حيحكمك .. مينفعش تقول الجيش حمى الثورة و تفضي دماغك من كل حاجة ! و تسيبه هو يتعامل بافتراض انه حيعملك كل حاجة حلوة
مكناش شيلنا حسني مبارك بقى طالما حاسلم البلد لحد تاني
علشان كده من أول يوم كان واجب اننا نفتح عنينا .. و ننتقد و نتربص بكل حاجة المجلس العسكري بيعملها

و طبعاً بما ان بقى من الواضح جداً .. إن أفعال المجلس العسكري مريبة .. الواحد بدأ يسأل نفسه ! .. هل اختيار عصام شرف من الأساس كان اختيار ثوري ؟.. و بما إن المجلس العسكري “كده” حيختار واحد يمثل الشعب فعلاً؟
و هل تحية اللواء الفنجري كان المجرد تثبيت الناس .. و هل المجلس العسكري و على رأسهم طنطاوي و عنان من المثالية إنهم يتجاوزا علاقات الصداقة و ينعقد المجلس من غير حسني مبارك من غير ميقولوله .. ريح أنت بس و حتعيش بيقة حياتك معزز مكرم؟

الدروس المستفادة
واحد: لا تثق في أي حد غير نفسك .. و شرف و لا ترف ! و لا عسكر و لا حرامي .. مفيش افتراض لحسن النية .. ماتخدش بالأقوال .. الأفعال بس .. لازم كلنا إيدينا تبقى في كل قرار بيتاخد و نفضل نضغط لحد ما نوجد الآلية اللي تحقق ده
اتنين: مفيش حاجة اسمها سيب ام الميدان و نرجعله تاني ! من الواضح جداً انك بترجع للميدان بطلوع الروح .. يا المطالب كلها يا الميدان و احياناً الميدان لوحده مش كافي و لازم يحصل تصعيد
تلاتة: المشكلة الرئيسية مع المجلس العسكري .. مش مع شرف أو العيسوي أو الاراجوزات .. و إن كان مبارك شخص طغى في الفساد و ريحته طلعت كان من السهل انك تحشد ضده الناس لكن مش ده الحال مع المجلس العسكري!

___________
تعقيب

العيسوي دلوقتي بيقول إن عصام شرف مش من حقه يوقف الضباط .. ده قرار الداخلية هي بس اللي تخده
و بيقولك .. كله بالقانون
و مشاهدة أخيرة
إزاي يا عصام يا شرف تطلع تقول بيان زي ده من غير ما تجتمع مع وزير الداخلية عشان تتناقشوا في القرار ده
أنا مش مصدق العشوائية و الفوضوية و شغل الهواة ده

مبرري لكتابة البوست ده هو ببساطة عشان مضحكش على نفسي و عشان اللي مش عارف يعرف
و عشان مهما الدنيا مشيت شمال أو يمين … ارجع اقرا ده و افتكر

*****

داخلين على الأسبوع و في مظاهرات و مسيرات و أحياناً اعتصامات احتجاجاً على أحداث  28-29 يونيو

جميل.
في اسكندرية أهالي الشهداء معتصمين كل يوم من ساعتها عشان دم ولادهم اللي حاسين انه راح هدر
جميل برضه ( جميل انهم يعتصموا و يتفاعلوا مش جميل انه راح هدر طبعاً )
لكن .. و أنا حاتكلم على لسان كريم منير صديق ليا كان هناك  من أول يوم
” أنا النهاردة كنت باتكلم مع أم لشهيد و كنت حاعيط ! و اللي ضايقني اكتر اني عارف انها صادقة و كل حاجة لكن للأسف الناس اللي حواليها بيستغلوها “

طبعاً الناس اللي حواليها .. هي بكل أسف قوى سياسية المفروض انها مسؤوله لكنها للأسف بتقوم بدور الزبالين حاليأً .. بتلم أكبر قدر من الوطنية من على الأرض و أحياناً استغلال للشهداء كمان .. زي مين .. بذكر أسماء .. زي حركة ستة أبريل و حركة دعم البرادعي و حركة مصر بلدنا و مجلس أمناء الثورة !
للأسف قبل ما يكون همهم الصالح العام همهم الظهور! المباديء بقيت في الطراب
اولاً حركة دعم البرادعي مثلاً موقفها الرسمي مش مع الاعتصام و مع ذلك في أفراد كتير أوي منها نازلين بشكل “شخصي” .. على أي أساس بتنسب مهامك التنسيقية للحركة بقى
مثلاً .. بعد ما اتفقوا ان محدش يعلق يفط لنفسه .. اتخانقوا مع بعض عشان بعض منهم عاوز يعلقها
مثلاُ .. بعد ما كل البني آدمين بدون استثناء ضربوا في عربية الإخوان اللي دخلت .. طلعت حركة دعم البرادعي و شباب 6 أبريل بيانات اعتذار للإخوان و بتقول انها مش مسؤؤلة!
مثلاً .. ممكن كلهم يختلفوا و يتعاركوا و يمسكوا في بعض عشان الاعتصام عند جامع ابراهيم على البحر مش في سعد زغلول .. المشكلة الأكبر انهم بيتخانقوا لأن المكان اللي الناس معتصمة فيه بعضهم مكنش هو صاحب القرار في اختياره
مثلاً .. 6 أبريل قالت يوم الخميس ان احنا حنعتصم  غير فرض القرارت اللي عملوها و اللي كان في منها قرارات غلط مثل نصب الاعتصام على البحر و النية اللي كان متفق عليها ان البحر ما يتقطعش لكن طبعاً حصل .. يوم الجمعة اعلنوا انسحابهم لأن المظاهرات فشلت

http://www.facebook.com/notes/%D8%B4%D8%A8%D8%A7%D8%A8-6-%D8%A7%D8%A8%D8%B1%D9%8A%D9%84-%D8%A7%D9%84%D8%A3%D8%B3%D9%83%D9%86%D8%AF%D8%B1%D9%8A%D8%A9/%D8%A8%D9%8A%D8%A7%D9%86-%D8%AD%D8%B1%D9%83%D8%A9-%D8%B4%D8%A8%D8%A7%D8%A8-6-%D8%A7%D8%A8%D8%B1%D9%8A%D9%84-%D8%A7%D9%84%D8%A7%D8%B3%D9%83%D9%86%D8%AF%D8%B1%D9%8A%D8%A9-%D8%A8%D8%B4%D8%A3%D9%86-%D8%A7%D9%84%D8%A7%D8%B9%D8%AA%D8%B5%D8%A7%D9%85-%D8%A7%D9%84%D8%B0%D9%89-%D9%83%D8%A7%D9%86%D8%AA-%D9%82%D8%AF-%D8%AF%D8%B9%D8%AA-%D9%84%D9%87-%D8%A7%D9%84%D8%AD%D8%B1%D9%83%D8%A9-%D9%81%D9%89-%D9%88%D9%82/228495623840280

! لما العدد قل و مكنش جايب همه انسحبوا من الاعتصام .. أنا اعرف اللي بيعتصم عشان قضية بيعتصم و لو لوحدة ! لأن العنى الوحيد انك تمشي عشان العدد قليل انك تتشاف !
انا مش متربص لحد عشان أكيد حتتفهم كده .. انا مش بنتمي أصلاً لأي حزب او حركة او بركة لكن واجب النقد اللاذع للسلوكيات اللي  بالمنظر ده .. و يقولك براجماتية ( ده المصطلح اللي طالع موضه دلوقتي ) انت فاهم يعني ايه براجماتية يا كائن انت و هو؟
مفيش احلى و اسهل انك تعتبر “الرييل بوليتيك” انه يعتبر أسلوب مييكيافيللي و ان الغاية تبرر الوسيلة؟
ليه؟ انتوا معظمكوا حركات ثورية؟ ليه القذارة ؟ عشان طموح مريض مش حيتحقق بكرسي في مجلس الشعب؟
أنت مش عارف ان ده مش دورك
المشكلة ان التفكك و الأساليب الوصولية القذرة ديه عمر ما حتخليك في الآخر توصل لحاجة !
طبعاً مش حتكلم على تلاشي الدور الحزبي .. الأحزاب اللي كلهم مش فاضيين للشارع و المطالب الحقيقية و فاضيين يدخلوا في اتحاد و يسجدوا للإخوان و يطلعوا في البرامج
ده غير ان في ناس بتنزل يوم الجمعة بس .. بعد الصلاة ترفه عن نفسها شوية .. و تاخدلها كام صورة و كل عام و انتم بخير

و أحب أقول لكل حزب أو حركة .. انتوا شوية شخاشيخ كنتوا حتى المحترم فيكوا كان مدى تأثيرة ميعديش المسافة بيني و بين الشاشة .. فياريت تتلموا كلكوا و تحترموا نفسكوا
و أنتوا أوسخ بمراحل من الحركات اللي فوق اللي ذكرت اسمها .. لكن وساختكم ديه يتكتب فيها دواوين !
و الأخوة السلفيين .. ياللي بتقروا النقل لى العقل ! اشمعنى يعني ما حربتوش عشان المحاكمات العادلة للمجرمين قاتلي الشهدا تحصل .. و لا ديه غير قابله للنقل .. أنتوا فالحين بس تروحوا (ياسر برهامي أحد كبار شيوخ السلفية في الاسكندرية و غيره ) تتفاضوا مع أهالي الشهداء و تعرضوا عليهم ديه عشان يتنازلوا ! عشان مين .. عشان شوية مجرمين !

عامةً الاعتصام الحالي هو اعتصام من أجل التوعية .. عشان الناس تعرف أهداف الجمعة 8 يوليو !
“الكلمتين دول كانوا مكتوبين قبل ما حزب الحرية و العدالة و بعض الأحزاب الأخرى تعلن انضمامها لمظاهرات الجمعة 8 يوليو ! ( المظاهرات بس مش الاعتصام ) )

عامةً لأي واحد عنده مصلحة ألوانك بانت خلاص بعد ما سبت الشارع .. و إن شاء الله محدش حينسى تاني .. و حارجع و أقول ان المجلس العسكري اللي بيعملوا فينا حلال .. طول ما فيه قوي سياسية متخاذلة اتعودت على السجود فبدأت تسجد تاني لما جاتلها الفرصة .. بس إن شاء الله زي ما الشعب عمل الثورة بدمه حيتممها بدمه و عرقه و لا الحوجة لأمثالكم

ساعدني في الكتابة كريم منير .. اللي كان شاهد عيان و متواجد طول الوقت و برضه اللي سب لهم كل مرة

Yesterday the 28th of June, marked a new spark .. that could change the way things will go in the upcoming period in Egypt.
The families of Martyrs were supposed to be honored at Ballon Theater, Strange things happened, the objective confirmed story is yet to be revealed  .. however what is objective and confirmed is that the night ended with attacks by the Central Security Force,  Rubber Bullets and Tear Gas canisters ( Just like the old days) on the families of the martyrs and Egyptian citizens including many activists.

For anyone who is saying that they were merely thugs, well think again! every acclaimed activist was on the streets eye witnessing the riots on a first hand account. with them was the families of the martyrs and pure Egyptian souls afraid on their country.

Today I can say it .. It’s Alive ! Gloriously it is !
The revolution was endangered, but the Egyptians never cease to amaze me! I thought it was the end I thought people would let go, but the people gladly failed me and showed that their finest is not yet seen.

However, we should mature and think very wisely before taking any steps, so we don’t end up making the same mistakes or as Sandmonkey said we don’t end up running in circles.

The following are some Tweets from topnotch bloggers and tweeps.
Congrats.

Wael Ghonim
GhonimWael Ghonim

انفجار الوضع النهاردة نتاج طبيعي للتأخر في المحاكمات وبالونات الاختبار وجس النبض وعدم اتخاذ قرارات ثورية لإصلاح البلد #Jan25 #Egypt

****

Wael Khalil
waelWael Khalil

بعد احداث الامس واليوم- المطلب الان تطهير الداخلية ومحاكمة القتلة- والقتلة يحبسوا احتياطيا ويعزلوا من مواقعهم فورا- لا تصالح ولا مسامحة

****

Alaa Abd El Fattah
alaaAlaa Abd El Fattah

everytime police asked for truce or claimed they’ll retreat we stopped attacking, everytime they broke the promise and attacked #Jun28

****

أوشة أخت مليجي
oshaokhtmeligiأوشة أخت مليجي

احنا في الميدان…: بالمختصر كده عشان الحق انزل تانيناس جات لاهالي الشهدا قالت لهم فيه تكريم في مسرح البالون، في… http://bit.ly/m650CW

oshaokhtmeligiأوشة أخت مليجي

احنا بعد البهدلة دي مالناش مطلب غير حل الداخلية القائمة واعادة بناء داخلية جديدة. #Tahrir

****

Mahmoud Salem
SandmonkeyMahmoud Salem

Now is the time for the truth and reconciliation committe to be formed. Otherwise we r running in circles that will always include clashes
SandmonkeyMahmoud Salem

The game is this: #moi provokes protesters, protesters respond violently, police shout at protesters & scream “thugs” to destroy their image

!

We were bound to a reality and compelled to accept it.
We stopped dreaming, stopped aspiring for the better tomorrow, because it wasn’t possible.
We had a life of a walking dead. everything was gray ! shady .. vague .. irritating .. suffocating, but that dark thick smothering cloud is gone now.

I don’t feel any sympathy or empathy towards you. I don’t forgive you, you caused a lot of destruction and grief.
I wish, with all the hate for you in my heart, that you live in pain you and your dynasty, and that you suffer underground, when you meet the God that made you.

Now, we should celebrate, open our arms to a life with possibilities !
Dream! and do nothing but dreaming
and embrace

The Daybreak …

Daybreak .. At last.

ضارب التلاهي يا ** أمك

:واحد
الأسطول اللي عند قناة السويس عشان تأمين الحركة الملاحية

عشان السويس بيعدي منها حاجات كتير غير الفلايك
و من السذاجة إن امريكا أو أي بلد تانية في العالم تفكر تدخل مصر دلوقتي عشان حتتقرقش
فبلاش و النبي استنتاجات ساذجة عشان مش ناقصة ناس مفتحة

 

اتنين :
مبارك دايماً كان مخوف اللي بره من الأخوان على أساس إنه تيار إسلامي متطرف و إنه هو راعي الأمن و الأمان
و طبعاً مش دي الحقيقة !

الغرب بقى ..
الغرب فاهم كويس إن الأخوان مش تيار إيران من الآخر ده السيم اللي ما بينهم قدامنا
…الاتنين فاهمين إن الاخوان مش خطر .. أمريكا خايفة إن مصر يبقى فيها ديمقراطية و استقلال و خايفة يمسكها واحد عنده دم و يضر علاقتهم بإسرائيل
و مبارك معندوش أخلاق و لا دين أصلاً و مش فارق معاه مصر تروح فين طالما هو و اللي تحته بيهبشوا في مليارات

 

تلاتة :
محدش بعد كل أم خطاب ينفخني و يقولي ما هو أنت اخدتوا اللي انت عاوزينه
الشعب يريد إسقاط أبو أم النظام
كل مرة النظام مابيسقطش

و كلها وعود واهية و كلام فارغ و محاولات للالتقاف على مطالبنا .. عشان سيادتكم تقوموا قايلين مانتوا اخدتوا اللي انتوا عاوزينه و نمسك في بعض و ننزل من على ودانه شوية
و أنا مش حاستحمل عمر سليمان يمسكنا و لو يوم واحد
احنا مش حنخلص من فرعون يطلعلنا الأوسخ منه

 

أربعة :
العالم كله كان فاهم إن مبارك حيتنحي
رئيس المخابرات الأمريكية قال حيتنحى
كذلك حسام بدراوي و كذلك أحمد شفيق و كذلك مصادر كتير

حتى الجيش بلغ الناس في التحرير عن أخبار حلوة
إلا أنس الفقي , الوحيد اللي قال مش حيتنحى

و طلع الخطاب

أولاً الخطاب مكنش على الهوا و اتلعب فيه في آخر لحظة و فاجيء الناس كلها
معلش فكك من السياسة و حلل و فكر بمنطقية

غلطات مونتاجية بتدل على الفبركة .. و تغير في الكادر .. دي عمري في حياتي ما شفتها في أي بيان من النوع ده

معلش اديني سبب ان الريس يقرا شوية من الشاشة و بعدين من الورق و بعدين من الشاشة تاني
من الآخر الخطاب .. غبر انه متسجل حصل فيه لعب و ده أكيد

و ده أن بين حاجة .. يبين وساخة النظام بقيادة عمر سليمان

خامسة :

مبارك مش زي أبويا !
أبويا مش سفاح و لا حرامي .. و لا بيرعى تحته شلة و سخة من الحرامية و السفاحين و تجار المخدرات و تجار الآثار و تجار الأراضي
أبويا معهوش 70 مليار و 40% من الشعب مش لاقي ياكل
أبويا مخربش دماغ الناس بتعليم زي الزفت
أبويا و أبوك و خلاني و عمامي حاربوا في حرب 73 .. حرب 73 مش حكر على مبارك عشان كل خطاب يقوله ينسبها لنفسه
و أخيراً أبويا عنده أخلاق و بيراعي ربنا

 

:ستة

التصعيد
في ناس بتقول أفضل في ميدان التحرير و متصعدش
أولاً أنا مع التصعيد و لكن مش أي تصعيد
يعني مثلاً الناس اللي راحت قصر العروبة .. غلطانة
في فرق بين الجيش و الحرس الجمهوري .. التهور في الوقت ده غلط و ممكن يجيبلنا الخراب
لكن أنا مثلاً مع توسيع رقعة الاعتصامات و الاعتصام عند ماسبيرو و إن أمكن احتلاله سلمياً
لكن أنا مش مع عدم التصعيد خالص خالص خالص
تويتر و الفيسبوك .. الأيام اللي فاتوا كان في جزء كبير من الكلام على التصعيد
في ناس متير اتكلمت في الإعلام قالت إن فيه تصعيد حيحصل
عشان كدة امبارح .. الحكومة حاولت تبادر المرة ديه و مش ترد الفعل زي كل مرة
ليه ؟ عشان عارفين إن في تصعيدٍ ما كان حيحصل
لو هما كانوا فاهمين ان النهاردة يوم عادي مكنش حد اتحرك  و مكنش موقف امبارح اتاخد
من الآخر لو مكنش في احتمالية للتصعيد .. مكنش حصل اللي حصل امبارح
عشان كده انا مع التصعيد
عشان نخلص

:سبعة

أنا مش حراهن على الجيش أوي ..
أنا حراهن على الشعب
تأخير الجيش لحد دلوقتي بيقول أنه عاوز يشوف إيه اللي حيحصل و بيقول إن فيه انقسامات
في جميع الحالات لو الجيش كان عاوز يحسم الأمر كان حسمه من زمان
اتمنى انه يحسمها و يريحنا و نخلص .. و يمشي السيناريو زي ما احنا عاوزين
لكن من الآخر .. احنا اللي حنحدد كل شيء
*تمت كتابته قبل البيان

:تمانية

بعد البيان
محدش يطلع من الشارع .. محدش يروح
وجود عمر سليمان غير مرغوب
اللعبة القذرة اللي حصلت امبارح ليها سبب
النظام بيحاول يمسك في السلطة .. بأي شكل
الضغط دلوقتي حيبقى أسهل .. لو ضغطنا أكتر على ما أظن الجيش حيضطر يخضع

أخيراً .. عمر سليمان
أنت برنس .. أنا كنت عارف إنك حتعرف تعملها
بس والله ما أنت قاعد

( تحليلين في غاية الأهمية للدكتور عزمي بشارة )

http://www.youtube.com/watch?v=bAaxk1WVRgk

http://www.youtube.com/watch?v=ICm2UiIFxcY

لن ابدأ هذا المقال بشرح وجهة نظر من هم في التحرير و ما إلي آخرة من كلام فارغ لقد خضت العديد من المهاترات .. و يكفيني هذا العدد

أولاً ابدأ بشكر .. الأبطال .. الأحرار .. النبلاء .. أنا إن كنت مراقب للحراك السياسي من قبل فهذا أول حراك لي فلن أحسب نفسي عليكم و أقول لكم و لي .. اثبتوا و تماسكوا لقد اقتربنا كثيراً

لكن, هنالك ما يحدث حولنا .. و لا أعلم هل هناك من يدركه أم لا
التحرير يبرد ..
الثورة تبرد ..
و أخشى أن أقول أن الشعلة تنطفيء لماذا لأسباب كثيرة .. بسبب هجوم شرس من مكنة إعلامية قذرة .. لوثت ثورة ما انبلها و للأسف سهل عليها الأمر شعب إيحائي انفعالي سهل التلاعب به بالأضافة إلى بعض قوى المعارضة .. الساذجة .. و أخرى مزيفة و أخرى انتهازية

و في الحقيقة أن المهندس لها هو ثعلب في غاية المكر يرعبني وجوده كثيراً استطاع في أيام قليلة أن يحدث انقسام في الرأي العام .. ان يرجع جزء من الشرعية المفقودة .. و بل أصبح ذو يد عالية يلوح بها يميناً و يساراً
إنه الرجل الذي ظل مديراً مجهولاً للعالم للمخابرات العامة المصرية و لا أخفيكم سراً أنا معجب بذكاء هذا الرجل

أرجو أن يكون الجميع شاهد الفيديو أعلاه فهو سيسهل الكثير لي .. اتفق جداَ مع تحليل الدكتور عزمي بشارة

أولاً اشير مرة أخرى لاستحالة الثقة بهذا النظام و حتى في وجود هذا الذئب الذي لا تعني له الديمقراطية أي شيء فهو لو سوابق في القمع و التعذيب

ثانياً .. أن بالفعل ما يحدث الآن في الحزب الوطني هو تضحية لابد منها لتقوية الجنح الأمني من ناحية ثقة الشعب .. بما إن الحزب الوطني مكروه في جميع الحالات هو و رموزه و هذا أيضاً يضعني أمام لغز فظيع .. ما هي نوايا عمر سليمان الحقيقية ؟

ثالثاً .. من هم هؤلاء الذين يقّطعون في لحم الثورة ؟ من هم هؤلاء الشباب الذين تحدثوا مع عمر سليمان؟
على أي أساس و من فوض لجنة الحكماء ( التي لا تتسم بأي نوع من الحكمة ) للتفاوض مع النظام الآن و ماذا كسبوا ؟ الحقيقة إن هذه الحركة الغبية .. أفقدت الشباب الثائرين أرض سياسية كبيرة جداً في حين لو كان هؤلاء المثقفين إنضموا لصفوف “المحررين” لكانت الأرض أصبحت أرضيّن و كان الضغط أصبح أكبر بكثير ؟ فالذئب عمر سليمان .. جعلهم يسعون إليه للتفاوض .. و لا تفاوض مع نظام فاقد للشرعية؟ فالحقيقة لا أستطيع أن اتصور قدر السذاجة من مجلس الحكماء الأحمق الفاقد الشرعية هو نفسه
و ما يحدث الآن من قبل النظام .. و ما يرد عليه من قبل “المحررين” .. لن يطيح إطلاقاً بالرئيس مبارك و في إطار رجوع الحياة لمسارها الطبيعي يوماً بعد يوم و فقدان التركيز الشعبي على ما يحدث في ميدان التحرير ما يحدث في التحرير سيصير لا جدوى له , خصوصاً بعد خوض عمر سليمان المفاوضات التي أعلم إنها لن تنتهي طالما تبقى في البشرية أنفاس
لذلك .. على ما أظن .. يجب أن يغير شباب التحرير استراتيجيتهم و يرتبوا أنفسهم في أقصى سرعة

1
يجب .. بطريقة أو بأخري أن يكّون الشباب ممثلين لهم و في أسرع  وقت و بأكثر صورة رسمية ممكنة و في الحقيقة أن هنالك من الأسماء ما دائماً تطرح نفسها

نوارة نجم
رامي رؤوف
جيجي إبراهيم
محمد دياب
وائل غنيم
و هناك أكيد أسماء أخرى

2
بعد ذلك يصدروا بيان ينفوا و يرفضوا و ينكروا تفويض أي من هذا الشباب الساذج
و ينفوا و يرفضوا و ينكروا تفويض لجنة الحكماء غير الحكيمة
و على لجنة الحكماء التحلي بأقل قدر ممكن من الحكمة لأن ينسحبوا من هذا الحوار و كفي ما سببه من خسائر و إن لم تنسحب .. على ما أظن على شباب التحرير توجيه خطاب شديد اللهجة لمجلس الحكماء و النظام برفض أي  شرعية لهذا المجلس بما أنهم هم الثائرين و هم أصحاب الحق في التفاوض أو عدم التفاوض و مجدداَ لو اتسم مجلس الحكماء بأي حكمة لأنضم للمحررين في ميدانهم و كفاه تسلقاً و كفى جيله خيبة

3
و هي أهم نقطة … التصعيد !
الاعتصامات ليست كافية .. و التصعيد يجب أن يأخذ شكل التهديد قبل الإعلان عنه و تنفيذه
لا أعلم ما هو .. قد يكون مسيرة تجاة منشأة عامة مهمة كما قال د. عزمي بشارة
قد يكون إضراب عن الطعام قد يكون أشياء عدة المهم الآن أن شعلة التحرير تحتاج لما يغذيها .. و لما يجعل التركيز الشعبي يلتفت إليها مجدداً

في رأيي إن لم تتخذ الثورة هذا الاتجاه .. فستذبل و تنطفيء شيئاً فشيئاً و من المهم جداً جداً ان تحدث تلك النقاط بالتوازي و ليس نقطة تلو الأخرى

لا يوجد رمز يلتف حولة الثائرون .. لا يوجد جيفارا و لا غاندي
و إن كان هذا سبب ضعفها فأنه في نفس الوقت سبب قوة أخري و جمال و نبل آخر

لا أريد أن ابدأ في التفكير في نوايا عمر سليمان .. فالشيء الوحيد الأكيد إنها ليست طيبة
و أيضاً الأكيد إننا شبعنا من هذة الدولة العسكرية .. كفااااااااااااية !

و أخيراً لكل شخص يدعو للاستقرار لن نمشي وراءك فأنت ساذج .. لن أتمنى ان تمر الأيام و مبارك لا يزال موجوداً فستكون أحلك الأيام على رؤوسنا جميعاً
و أقول لك .. أنت عار على هذا البلد .. عار على هذا الشعب .. عار على هذا النصر
و لا أستطيع أن اتخيل ما ستقوله لأبناءك بعد ثلاثون عام من الآن

النصر للأحرار